公視新聞網 https://news.pts.org.tw/article/722392 魯班公台語繪本 tshuā囡仔了解鹿港工藝發展 發布時間：2024-11-02 19:15 更新時間：2024-11-02 19:43 楊舒晴 / 彰化報導 https://www.youtube.com/watch?v=QfvnVWc90B8 魯班公，是木工的守護神，彰化鹿港1996年開始就有工藝品看桌的魯班公宴傳統，為著予 囡仔人了解鹿港魯班公宴的由來，彰化縣政府出一本魯班公的台語繪本，予囡仔人讀繪本 ，認捌鹿港的工藝發展。（這則新聞標題、前言、內文為臺語文。） 木雕、鼓仔燈、漆器，一桌一桌的豐富腥臊工藝品，是彰化縣無形文化資產「鹿港魯班公 宴」，這陣彰化縣文化局出版台語繪本，紹介魯班公宴的由來，嘛舉辦講故事活動，邀請 老師tshuā囡仔讀繪本，認捌鹿港的工藝發展。 講故事老師施淑鈴講：「我嘛驚講有的囡仔毋捌看過這个魯班公宴，有一寡仔工具in毋捌 看過，所以我就針對這个故事的內容攢遮的物件，包括鞠球、包括漆盤、包括柴絲草做的 帽仔。」 囡仔人好玄，觀察尪仔頭、木雕，閣有這頂工夫強欲失傳的柴絲草帽；彰化鹿港是傳統工 藝的重鎮之一，百外年前就有祭拜巧聖先師「魯班公」的傳統，佇舊曆五月初七，魯班生 日這工舉辦祭祀活動，1996年開始，擴大舉辦，用工藝品看桌的方式宴祖師 囡仔人分享：「（你拄才提著啥物物件) 鞠球，（有戴帽仔無) 有。」 民眾講：「魯班公宴內底足濟足有名的工藝品、工藝師按呢，足趣味的阿。」 也有民眾講：「舊年有去看魯班公的宴會，毋是足了解的，但是今仔日透過這个故事，就 知影伊的由來是按怎。」 除了有鹿港魯班公宴的故事，彰化縣文化局也有出版花壇白沙坑迎燈排、佮芳苑海牛犁蚵 田，計共三本的台語半線繪本，透過趣味的圖文故事，予囡仔人認捌彰化的文史發展。 張曼亭/編輯 -- ※ 發信站: 批踢踢實業坊(pttbestweb.org.tw), 來自: 111.255.130.75 (臺灣) ※ 文章網址: https://pttbestweb.org.tw/Gossiping/M.1730641980.A.DFC